نرجع لكورونا بعد ان تسجل بعراق اليوم ٥٧ حاله اصابه بالكورونا اليوم
فلما نكولك اكعد بالبيت
يعني اكعد ببيتك انت مو تفرفر عزايم و واجبات اجتماعيه و اعراس و فواتح
لما الحكومة انطت حظر جزئي مو لان الصبح الفيروس يفتر و بالليل ينام
الصبح نطته حتى الناس الكسبه تروح على رزقها
مو حتى تروح تتسوك بجايم بازه مال رمضان !!
لما انفتح الحظر جزئي
يعني الصبح مو تفرفر بيه بالمولات
الصبح حتى تاخذ لقاح
او تراجع طبيب
او تتسوك لبيتك مسواك اسبوعي
مو حتى تجيب صمون بالف
و ٤ اكياس جبس
و باكيت جكاير
و لازم من نكول تنزل للشارع
انزل وحدك مو ويه ام العيال و العيال
كلتلكم مسبقا الموضوع مطول بس مو طويل هوايه
ليش مصرين نصير مثل الدول اللي سبقتنا
احنا احسن و عدد الحالات المكتشفه ما وصل للمئات يوميا حتى لو عدد الفحوصات قليله
بس فعلا الله سترها معانا لحد الان
خلونا الله ساترها ويانا
د. سيف سمير البياتي
اخصائي طب الاطفال
