بعض الأمهات تسأل و كانما تريد تصعب الامومه على نفسها
مثل سؤال المي
كلنا تقنيا ماكو داعي للمي دام الطفل يشرب حليب طبيعي او صناعي لان ٨٨ بالميه من عنده مي
واول شهرين المي اصلا خطر اذا بكميات كبيره لان ممكن يسوي ما يعرف بتسمم الماء
و اكيد تعرفون انه لا لتخفيف الحليب حتى لا يصير عنده سوء تغذيه كذلك
و من يبدي ياكل اول اكلات هم ماكو داعي لان اغلبه مي
و كلنا انه خاشوكه او ٢ لخاطر عمتك ما تأثر اذا انطيتيها حتى لا تسويلك مشاكل
ليبرز السؤال الجديد !!!
شكد انطي مي من يبدي ياكل
علما انه السؤال اغلب الأمهات يعرفون جوابه
انه وره ما يخلص الطفل الاكل انطيه مي و اذا حسيتي الجو حار و طفت الكهرباء هم انطيه مي لحد ما يشبع و هو راح يكولك و انت اكيد تعرفين تقريه
احب اكول للي يحبون يصعبون الامور على نفسهم
من عمر ٦ اشهر إلى ٩ اشهر يشرب ٦٠ إلى ١٢٠ سيسي باليوم
و من عمر ٩ اشهر إلى ١٢ سنه يشرب من ١٢٠ إلى ٢٤٠ سيسي باليوم
و طبعا الفرق شاسع لاختلاف درجات الحراره من بيئه لأخرى
و لا تنسون القاعده
لا مي و لا اكل و لا عصير بالمميه
و اتمنى لكيتوا الجواب
شكرا الكم
