زمن كورونا اظهر الناس على حقيقتها
– ظهر الشخص الي ما يقتنع بالعلم و يعتبر الدجل هو طريقة العلاج الصحيحة
– ظهر الي يظن كلشي بهالارض لعبة سياسية وميصدك بكورونا الة ينصاب او يشوف المصابين بنفس الوقت تكوله امشي اوديك لمستشفى العزل يخاف يفوت!
– ظهر الي قبل كورونا جان يكول الأطباء يستغلون المرضى ومن صار بيه كورونا وطاب منها هو بدأ يستغل مرضى كورونا ويطلب منهم فلوس وصلت لل ٢٠ ورقة مقابل يتبرعلهم ببطل بلازما
– الي اريد أنوه عليه أنه من ” وَمَنْ أَحْيَاهَا فَكَأَنَّمَا أَحْيَا النَّاسَ جميعاً”
هاي فرصتكم حتى تنالون اجر عظيم
الي انصاب بكورونا وطاب منها، خلي يتبرع بلازما وينقذ غيره
هنا راح تبين الغيرة العراقية و يبينون الابطال هنا راح يبين هل احنا شعب واحد نستحق الحياة لو نستحق الي ديصير بينا
هي نصيحة وانتو بكيفكم بعد
—
د. سلمان داود
طبيب تدرج
—
حساب التوعية على الانستا
https://instagram.com/dr_salmand?igshid=qbd41hnknyb3
