#شكر
#ممه
اكو صنفين من الناس..
🔴الاول: الصنف الي ميعرف هواي تفاصيل وياخذ الأمور ببساطه..
وهذا الصنف همه اكثر ناس يتقبلون النصيحه..
لان قلبهم ابيض واهم شي عدهم طفلهم، فاوجه لهم الرساله التاليه:
◀️اكو موروث أو تقليد (سيئ جدا) الي هو وضع شكر (سكر ابيض) مع حليب الطفل الرضيع .. وهذا نتائجه مدمره تماما لصحه الطفل ومناعته واسنانه وعقله وكلشي … وهو فعليا مثل السم … بدون اي مبالغه .. فارجوكم توقفوا وأبد لاتكرروها بعد 🚫
🔴الثاني: الصنف المتكبر الجاهل الي يسوي كلشي على هواه مع الاعتداد بالنفس والغرور وعدم السماح لأي شخص بانتقاده, واهم شي عنده أنه يطلع نفسه هو الصح … واخر همه الطفل … وعنده استعداد يسوي كل الأشياء الغلط بس حتى يحس نفسه عود مسوي إنجاز ..
فاوجه لهم الرساله التاليه:
◀️حضر خوش فلوس.. لان حتجي على أمثالي (الأطباء) وتصرفهن وانت الممنون… لان محتبقى عند طفلك لا اسنان ، ولاصحه ، ولامناعه ، ولا عقل …
وعود ما أوصيك هم كول الأطباء مو خوش وماعدهم انسانيه …
الانسانيه عفناها الك وانت دمرت طفلك بايدك …
قال تعالى : “مَّا أَصَابَكَ مِنْ حَسَنَةٍ فَمِنَ اللَّهِ ۖ وَمَا أَصَابَكَ مِن سَيِّئَةٍ فَمِن نَّفْسِكَ ۚ ”
والي يجي من ايده الله يزيدة 🙂
د.اسماء إسماعيل البدري
ملاحظة: جماعة حطينا وكلشي مصار… ابشركم صار وصار هواي … لدرجه عقلكم بعد مايستوعب شديصير ، ولادتشوفون الدمار الي وصلتوا اله
