كعده W
هو الكعده بطريقة تكون الركبه محنيه و القدم متجهه الى الخلف
دائما تصير باعمار من ٣ سنه الى ٦ سنه
.
على ارض الواقع الكثير جدا من العوائل اصلا ما منتبهه لهذه الطريقه بالجلوس الا احد ينبهم عليها او طبيبهم
هي طريقة جلوس نوعا ما شائعه
نحجي عن اهم الاشاعات حولها
🙄 هي ابدا مو مؤذيه لان الطفل مبين ما متاذي !!!!
و الحقيقه هي
ممكن ان تكون غير مؤذيه فعلا اول سنتين الى سنتين و نصف و السبب هي ان عظام الطفل و مفاصله مرنه
و لكن بعد هذا العمر راح تبدي العظام و المفاصل تتقوى اكثر فاكثر لذلك ممكن الطفل يتاذى بهذه الجلسه بعد عمر السنتين و تسببله مشاكل بالعظام و اصلا حتى تعديل هذه المشاكل صعبه
😏 الاشاعه الثانيه هي دكتور اني الام و كل عمري اكعد هذه الكعده و ما بيه شي !!!
هذه الكعده جدا مبين انه تسبب دوران مفصل الحوض الداخلي اللي راح يسبب فيما يسبب مشاكل بطريقة المشي تتسمى طريقه المشي مثل البطريق فيما بعد
مشكله اخرى تسويها هذه النوعيه من الجلسات هي دوران الساق الى الخارج
Tibial torsion
شوكت اقصد الطبيب ؟
باغلب الحالات الموضوع يكون غير مقلق لان نادرا ما يكعد الطفل هذه الكعده الا اذا كعد على الارض
لذلك نصيحتي الكم
انه تراجعون الطبيب من طفلك يكون يكعد هذه الكعده W باستمرار و وحده من النقاط التالية :
١. بدا يتعرج بمشيته
٢. عنده الم عند المشي
٣. مشية غير طبيعيه مثل ما كتبت فوك تشبه البطريق
٤. ما يكدر يكعد بغير طريقه جلوس الا بجلوس W
٥. عنده بعض المشاكل الحركيه مثل عدم قدرته على غلق و فتح السحاب
العلاج لهذه الكعده سهل جدا و ما يحتاج اكتب عنه لان اكيد تعرفوه
و هو انه تطلب من طفلك يعدل كعدته
اذا ما قبل بكل مره دغدغه خفيفه على باطن قدمه كم مره و يبطل
د. سيف سمير البياتي
اخصائي طب الأطفال
لذلك لا لكعده ال #W_sitting
