الاب اللي عانى من كان صغير و كره اسلوب ابوه وياه من كان صغير و قرر انه عمره ما راح يعيد هذا التصرف ويه ابنه
و الام اللي عانت من امها من كانت صغيره و كرهت اسلوب امها من كانت تعاملها و صممت انه ما راح تسوي اللي كاتت امها تسويها وياها
و الاثنين كبروا
و صار عدهم اطفال
و اكتشفوا انه هم دا يسوون نفس الشي نفس الاسلوب اللي كانوا كارهيه ويه اولادهم !
بالبدايه قد تنكرون
و قد ترفضون
بس بالاخير تلاحظون نفسكم انه انتوا تعيدون نفس الكلام اللي سمعتوه من اهاليكم لاولادكم
كل مره من تحسون انه اطفالكم منزعجين منكم و من تصرفاتكم راح تلاحظون بعيونهم نفسكم و انتوا بعمرهم
و كل مره تشوفون بيها دموعهم
دموعكم تنزل على نفسكم اللي صرتوها نسخه من ابائكم و امهاتكم
تحسون ان الوقت يعيد نفسه
و انه انتوا مكبلين بقيود
لا انت اللي تبطلين اللي دا تسويه ويه طفلتك
و لا انت تكدرين تبوحين باللي بقلبك من الم
و لا انت تكدر تنفي كونك اصبحت مثل ذاك الشخص اللي قررت ان لا تكون مثله في يوم ابدا
#خواطر
د. سيف سمير البياتي اخصائي طب الاطفال
