حتى تنامين زين و انت ترضعين طبيعي
هذه ١٠ من النصائح و الملاحظات اتمنى تفيدك
بالأخص الأمهات الجدد
١. اعرفي ان الرضاعه الليلية مهمه و مهمه جدا
و ان هرمون الحليب يزيد ليلا فيعزز الإنتاج
٢. تعلمي الرضاعة و انت متمده مبكرا حتى لا تتعبين
٣. خلي سله الطفل أو سرير الطفل قريب منك حنى لا تتحركين هوايه
٤. لا تخلين ساعه بالغرفه 😉
متعب جدا من تعرفين مرت هلكد ساعه من آخر رضعه
٥. ابقي الاضويه مغلقه
لنوم ناجح خلي الاضويه مغلقه من اول يوم بعد الولاده
٦. استخدمي الضغط على الثدي حتى ينزل الحليب الدهني باستخدام اليد الأخرى ( اللي هو الطبقه الدهنيه من الحليب اللي تجي بعد الطبقه السائله من الحليب )
او فرغي الثدي كاملا قبل ما تحولين على الثدي الثاني
٧. اخذي قيلوله قدر الامكان بين فتره و أخرى
8. حضري ما بين وجباتك و خليها قريبه منك
لان ممكن جدا تكعدين من النوم بسبب الجوع
بسكت الشوفان و الحليب و الكرزات و الفواكه خيارات حلوه و صحيه
٩. أبدا لا تكعدين طفلك اذا هو ما يريد يرضع بعد اول اسبوعين من العمر
يعني اذا عبر عمره الاسبوعين ماكو اي داعي تكعديه علمود الرضاعه
الرضاعه فقط عند الحاجه
١٠. استخدمي الهيدفون لسماع الشي اللي تحبيه و انت ترضعين طبيعي
حتى تتجنبين الملل
تمنياتي الكم
بليله هانئه
د. سيف سمير البياتي
اخصائي طب الأطفال
