عدد اصابات كورونا اليوم عراقيا 3461 شخص
عدد اصابات كورونا المعلنة 144 الف من بدايه الازمه
عدد وفيات كورونا المعلنه 5236 وفاة بكورونا
وزارة الصحة صدرت بيان اليوم تلوم المواطن على عدم الالتزام و تؤكد ان التهاون هو اللي ادى الى هذه الزياده
الرقم اليوم هو اعلى زياده يوميه و اللي يجي بعد اسبوع من عطله العيد
ما يحتاج نحلل و نفحص الرقم
الزياده هي خلال أسبوع فقط من العيد و اغلب الاصابات تتوضح اعراضها خلال 5 ايام من التقاط الفايروس( الفترة الاعتياديه هي من 2 الى 14 يوم بس المتوسط 5 ايام )
هذا نفسه الانفجار بالاعداد اللي صار وره عيد الفطر
و اللي يبدو واضحا انه احنا ما تعلمنا الدرس ابدا
هل الوزارة محقه في لوم المواطن؟
على ارض الواقع العراقي شنو اللي صار ؟
هل التزمت انت بحظر التجوال؟
هل اجلتي روحه الصالون او روحه الحنه او الروحه لاهلك؟
هل بطلت الطلعه ويه اصدقائك؟
قبل ايام عروس و عريسها مصابين بكورونا بعد الزواج بعده ايام هل السبب الحكومه مثلا؟
حفلات العيد الميلاد هل توقفت؟
الزيارات و الدفء العائلي هل قل؟
هل ارتديت كمامتك؟
هل تباعدت اجتماعيا بسره الصمون؟
بعض المواطنين يكول دول اخرى رجعت لحياتها الطبيعيه عزيزي الموطن ليش انت اصلا تغيرت حياتك الطبيعيه؟
اترك الجواب فيما يخص من المقصر بموضوع كورونا الكم !
د. سيف سمير البياتي اخصائي طب الاطفال
