لسبب من الأسباب وصلتي طفلك الى عمر سنه و صار عندك ظرف و تردين تفطميه
ما نتدخل بظروفك اكيد
الرضاعه بعد عمر سنه مهمه محد ينكر اهميتها
بس انت اديتي المهمه الاصعب اللي هي السنه الاولى و تكدرين تثقين بقرارك و تفطمين
حتى القران الكريم يكول ( لمن اراد ان يتم الرضاعه )
الجمعيه الامريكيه لطب الاطفال مو بعيده عن هذا الموضوع تشجع الرضاعه لعمر سنه بعد السنه بكيفك انت و طفلك
ليش اكتب هذا البوست ؟
جدا اشعر بالتعاطف ويه الامهات اللي تضطر تشتغل او لا سمح الله تتمرض و تحس بالذنب لان ما كملت السنتين او السنه و نص
بس اهم شي لا تكطعين الطبيعي و تنطين صناعي
.
امهات الرضاعه الصناعيه اصلا انتوا خص نص لازم تفطمن بعمر سنه من المميه و تنطن بالكوب لصحه اسنان افضل
د. سيف سمير البياتي اخصائي طب الاطفال
