الامساك مره و ٢ و ٣ و ١٠
هوايه كتبت عن الامساك و الارتجاع
لان هم أكثر موضوعين يعانون منه الأمهات
#امساك
اول خطوه بعلاج الامساك تقللين الحليب و تزيدين الفواكه
خلي اترجملكم الصوره
الاشياء الجيده للامساك
العرموط المشمش الجاف و الطري العنجاص المجفف و الطري التمر و الخوخ
الحبوب الكامله و الخبز الأسمر و البقوليات
كل أنواع الخضراوات جيده للامساك
و لا تنسون الماء الماء الماء
.
.
تجنب او قلل من
الموز و عصير التفاح الطبيعي لان تتذكرون BRAT
ذوله الاثنين زينات للاسهال
الحليب و منتجات الحليب
الخبز الأبيض و التوست الأبيض و التمن الأبيض
تتذكرون ال BRAT صح ؟
التوست الأبيض و التمن زينات للاسهال
كلشي عصير هم تجنبه لان ما بيه ألياف
فاكدي على موضوع الاكل و بالأخص الألياف
.
.
آخر شي لا تنسون اهم شي الطفل يتحرك و يلعب هوايه
اذا عن إمساك الرضع كاتب هوايه بوستات عنه
و من الكاهم اعدلهم بهاشتاك #امساك
ملاحظه : بالصوره مكتوب اللبن زين للامساك على اعتبار بيه خمائر طبيعيه اني لا اتفق أبدا مع الصوره
بالعكس اللبن هم يسوي إمساك
و تبقى انت و تجربتك
