السلام عليكم
الفطام من الاجهزة الالكترونية
ليش نسمي فطام لانه صعوبته مثل صعوبة الفطام من الرضاعه ويكون اصعب من الرضاعة لانه الالكترونيات گبال الطفل طول الوكت
لازم تعرفين شغلتين انه كل ممنوع مرغوب الافضل انه يكون المنع تدريجي مثل الريجيم من يكون قاسي جدا راح نرجع للوزن السابق واكثر خلي الموضوع بمثابة تغيير حياتك وحياة طفلك نحو الاحسن لزيادة اواصر المحبه بينكم ولزياده تواصلك مع الطفل
لازم تعرفين بالبداية كم ساعه تقضين كمعدل مع الطفل وكم ساعه يكون يتفرج كارتون وايباد ويلعب العاب الكترونية
اخذي يوم عشوائي من ايام الاسبوع وحسبي الوقت راح تتفاجأين بالوقت اللي يكون طفلك بعيد عنك
.
حيل بسيطة تساعدك
اقطعي النت عن البيت ساعه الصبح وزيدي الوقت بمرور الايام
من يكون التلفون مابي نت راح يكون ممل
امسحي الالعاب الموجوده بالتلفون وحده وره الثانية وكولي للطفل خلصت اللعبة لان هواي لعبناها
خلي التلفون بدون شحن او بي شحن بسيط يستخدمة ويتركه من يخلص
يوتيوب كدز بي خاصية توقيت ممكن تختارين الوقت ويقفل تلقائيا بعد ما يخلص الوقت
وفري بديل عن الالكترونيات
حيل بسيطة لشغل وقت الطفل وجعله اكثر فائدة تنفع لعمره اقل من اربع سنوات
وضع الكثير من الالعاب على مقربه من الطفل واللعب به باهتمام من قبل العائلة بدون ان يطلبون من الطفل المشاركة وراح يجي الطفل يركض يريد يشارك 😂😂😂😂
خلي الطفل يشارك بالمطبخ تخيلي سعادته من يسوي العصير للعشة وكلها تكول طيب
ممكن ان يضع المكونات بالخلاط بدون ميكون موصول بالكهرباء مثلا موز وفراولة ومي وانتي تكملين الباقي
الموضوع مكتوب من قبل أحد الاخوات المتابعات للصفحه
شكرا للي كتب الموضوع
و شكرا للثقه بالصفحه
د. سيف سمير البياتي
اخصائي طب الأطفال
