قبل لا احجي هالقصة ما نسمح لأحد أن يتجاوز على ذوي الطفل بأي كلام مسيء لانه دننقللكم القصة للعبرة والفائدة
صديق لأحد أصدقائي، عنده بنته مريضة فصديقي انطاني احجي وياه بالموبايل حتى اشوف حالتها شنو، الطفلة على ما اتذكر كانت تعاني من اسهال وتقيؤ ولكونها طفلة بعدها حديثة الولادة مباشرة نصحته يأخذها للطوارئ لأنه راح يصير بيها جفاف اذا بقت بالبيت
بعد ساعة اتصل مرة ثانية كال وديتها وكالولي ماخذة برد روح اخذلها علاج برد !
استغربت كلش لان ماكو طبيب يكول لاهل المريض مريضكم بيه كذا مرض اخذوله علاج ! غير المفروض الطبيب هو يكتبله العلاج
كتلة يا طبيب كالك هيج؟
كال لا اخذناها لحجية فلانة وكالت مستبردة !
اني نصحته بالتلفون ياخذها لطبيب، هو اخذها لحجية عارفة بالمنطقة مالتهم
بالاتصال الثاني بعد ما خوفته و حذرته اخذها للمستشفى وتبين انه الطفلة تعاني من جفاف شديد وتحتاج دخول مستشفى
الاب طبعا كان تحت ضغط شديد من الحجيات الي بالبيت حتى يروح للحجية مو للمستشفى
وكم اب وام مثله هالاب اطفالهم ياخذوهم لطب العرب لانه العمة والجدة يؤمنن بهالشي ؟ هواية ناس هيج
اذا متكدرون تحافظون على اطفالكم من جرائم طب العرافين و الدجالين لا تكونون اباء وامهات احسنلكم
طفلك هو طفلك
محد الة حق يجبرك على شيء يضره
اهلنا كلامهم عالعين و الراس بس من يوصل لمضرة طفل بريء لا والله ما نقبله واليزعل خل يزعل
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
طبيب تدرج
