اللي يشكون من اولادهم حركين و يتحركون هوايه
يعني قابل تريده يجيب فنجان القهوه و يحتسيه بجانب المدفئه !
هو غير طفل يتحرك و يكسر و يستكشف و ما يكعد
زين انت من كنت بعمره كنت تطلع بلقاءات صحفيه مثلا؟
هذا اكيد لا يشمل الاطفال المصابين بفرط الحركه و تشتت الانتباه اللي اكيد يحتاج يراجع طبيب نفسيه
بس فعلا لكل طفل حياته اللي راح يقضيها بلعب و ضحك و تكسير و صعود و نزول درج
هو هذا العادي
خلوهم يعيشون حياتهم
اكيد هي مو دعوه لاهمال تربيتهم و توعيتهم
بس كلشي بحدود
لا افراط و لا تفريط
د. سيف سمير البياتي اخصائي طب الاطفال
