الطفل مثل البالغين جسمه يحتاج للتعرض لاشعة الشمس حتى ينتج فيتامين دي
لكن هواية نقاط لازم تخليها ببالك
١- اشعة الشمس متكون مباشرة على عينه ويفضل تغطية عينه قدر الامكان
٢- الافضل انه الأشعة على ظهره وايديه و رجليه مو على وجهه
٣- الوقت المناسب وقت الشروق ووقت الغروب لانه الشمس متكون حارة حيل
٤- ميصير تطلعه بعز الحر حتى لا تعرضه لضربة الشمس
٥- وقت التعرض من ٥-١٠ دقايق لان شمسنا حارة وتراقبه لحد ميصير جسمه دافي وليس حار لانه اذا صار حار معناها لازم يفوت للبيت
٦- ميصير تخلي الطفل ورة الشباك وتعرضه للشمس لانه الاشعة المفيدة لتكوين فيتامين دي ما تعبر الزجاج
أسبوعيا مجموع ٣٠ دقيقة كافي للحصول على فيتامين دي
الأطفال الي يلعبون بالشارع ميحتاج لانهم اصلا ديتعرضون للشمس
——
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
