ما احب و لا اطيق الجداول الخاصه بالاكل
كلشي وكلوا اول ما تبدون توكلون عدا الممنوع باول سنه و هي السكر و الملح و البهارات و العسل و العصير و الدهون المشبعه
بس بصوره عامه ابدوا اول شي باقل اصناف طعام تسوي تحسس و اهمها الرز و الشوفان و الخضروات و الفواكه
كقواعد اساسيه عليكم التالي :
🛑 ننطي كميه صغيره و نوع واحد
يعني من نسوي شوربه نسويها شوربه رز فقط مو نضيف الشجر وياها
بعد ٣ الى ٤ ايام نضيف الشجر او الجزر او البطاطا للرز
و السبب واضح حتى نراقب التحسس
اعراض التحسس هي :
الطفح الجلدي
حكه الجلد
سعال
ضيق التنفس
اسهال او قيء
🛑 كثافه الاكل باول وجبات هي نفسها كثافه الحليب سواء البقري او الطبيعي و لا تنسين تثخنين الاكل كل فتره حتى يتعلم لان الاكل تمرين مثل ما الكلام تمرين.
🔴 الغايه من ادخال الطعام هو بالاضافه الى كون الحليب لا يوفر كل العناصر الغذائيه اللازمه للنمو هي تعليم الطفل على الاستقلاليه و بالتالي تخلي الطفل مستقل لذلك لطفا ما توكلين الطفل بالملعقه و بهدوء و باداب المائده او بلاها شكرا الك
ما ينفع ابدا ابدا ابدا تستخدمين المميه لاي شي عدا الحليب
🛑 ممنوع إضافة الملح و السكر على الأكل
ممنوع ممنوع ممنوع ممنوع
ممكن فقط اضافه ١ غرام ملح بعد ٦ اشهر علمود الطعم و لو ما افضل لان كليه الطفل غير مستعده لتقبل اي محلول ملحي
🛑 اول وجبات يفضل خلطها مع حليب الام او الحليب الصناعي
🛑 كلما تقدمين اصناف اكثر باول سنه كلما يكون الطفل اكثر تقبلا للطعام
د. سيف سمير البياتي
اخصائي طب الاطفال
جه
