و قررنا ندخل الاكل بعمر بعد 120 يوم
بس رغم انه توصيتي بادخال الطعام بهذا العمر
الا ان العديد من الامهات مصرات على ادخال الطعام قبل ذلك
و السبب ؟
لا احد يعلم
قسم يكولن حتى ينام الطفل
و هذا هم فنده العلم ببحث على 120 طفل وكلوهم مسحوق الرز قبل 4 اشهر و شافوا شكد ينامون بعد ما انطوهم و لكوا انه ماكو فرق
نجي للاهم
ليش ما نوكل الطفل قبل عمر ال 120 يوم و الا بتوفر شروط معينه؟
1. عدم استعداد الامعاء
2. الطفل بعده ما مستعد للبلع و بالتالي ممكن يؤدي الى خطر الاستنشاق بالطعام
3. يؤدي الى زياده الحمل على الكليه اللي هي اصلا بالكاد تتحمل الحليب كونها بعدها في طور النضوج
4. يترافق الادخال المبكر للطعام الى زياده خطر الاصابه بالسمنه في اكثر من بحث منشور حتى لو تشوفيه ضعيف بالبدايه
5. زيادة خطر الاصابة بالامراض المناعيه و التحسس الغذائي و السكر
على طرف نقيض تاخير إدخال الطعام بعد ال ٨ اشهر يؤدي الى
1. الطفل راح يكون انتقائي جدا بخياراته للطعام
2. عرضه اكثر لنقص الحديد
3. تاخر القدره على نضوج اليه البلع و الكلام
4. كره الطعام
5. نقص اغلب المعادن و الاملاح اللي ما يسدها الحليب
و عليه نراجع موضوع ادخال الطعام للطفل و نشوف شوكت انسب وقت
بعد 4 اشهر
او بعد 6 اشهر
او بين 4 الى 6 اشهر
بشروط اهمها
مضاعفه وزن الولاده
القدرة على السيطره على الراس
من ينام على بطنه يرفع راسه و اعلى صدره
يبدي رغبته بتناول الطعام
و لا يرفض الملعقه بلسانه
و يبقى الكم الاختيار
الاهم لا تنطون قبل 120 يوم
د. سيف سمير البياتي اخصائي طب الاطفال
