بالواقع و بنص كل هذه الفوضى و التغييرات المجتمعيه و الاخلاقيه
اكو ناس انولدت و هم ذوق
متربين ببيوت ذوق
و متعلمين على الاصول
ماكو واجب يفوتهم
و لا نخوه تنخيه يتخلى عنها
ما ينطون فرصه لاخرين يعلقون عليهم بالسوء كلشي يعرفون يسووه و يعرفون شون يسووه
عدهم ذكاء اجتماعي
ما يختلف على حبهم اثنين
تصرفاتهم راقيه
تعليقاتهم على وسائل التواصل الاجتماعيه ذوق
اول ما تشوفهم تكول اولاد او بنات ناس
مو زناكين لا
و لا لبسهم ماركات لا
سيرتهم حلوه بين الناس
هذا الانسان مهم وجوده في حياتك حتى لو مو كصديق لا مجرد وجوده في حياتك كافي
مجرد تتذكره كافي
عينه وحده منه كافي
دائما لا تفارق اللي مثل هذا ابدا
د. سيف سمير البياتي اخصائي طب الاطفال
