دعم الرضاعة الطبيعية دون الانتقاص من الأمهات

منشورات الرضاعة الطبيعية ودعم الرضاعة الطبيعية والتشجيع عليها
هي مو للانتقاص من الأمهات الي انجبرن عالرضاعة الصناعية
انما هي توعية للامهات الي راح يصيرلهن اطفال وتشجيع حتى يرضعنهم طبيعي
الي ترضع ابنها حليب صناعي لكونها تاخذ ادوية معينة او لانه مريضة بمرض ما او لأي سبب طبي علمي صحيح
فهاي مجبورة وما الها ذنب بالرضاعة الصناعية
منشورات التوعية عالرضاعة الطبيعية المفروض حتى الي ترضع أطفالها حليب صناعي تشجع عليها
وتنشرها وتدعمها وتنصح الامهات بالرضاعة الطبيعية
صح هي ترضع اطفالها حليب صناعي
لكن ظروفها يمكن هي الي ما سمحت الها ترضع طبيعي
اهم شي تكون تعرف الرضاعة الطبيعية هي الصح
و المفروض مدام صح، تدعمها
وما تشجع عالرضاعة الصناعية ابد
احنا مو ضد احد
ولا ننتقد أحد
إحنا نحاول نوعي الناس حتى الام الي ترضع طبيعي تفتخر بنفسها
والي ترضع صناعي تفكر بالطفل القادم ترضعه طبيعي
والي ماعدها طفل بعد تتشجع على الرضاعة الطبيعية لمن يصيرلها طفل
والي متعرف شنو الصح تتعلمه حتى لا تسويه بالمستقبل ان شاء الله

———
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال