اعشق هذه الصورة بخصوص العصير
الصورة ماخوذه من الاكاديمية الأمريكية لطب الاطفال
الترجمه كالتالي :
تحت عمر سنه لا عصير
من عمر سنة الى ٣ سنوات بالزايد تنطي ٤ ارقام عصير اللي يعادل ١٢٠ سيسي اللي هو نصف كوب فقط
من عمر ٤ سنوات الى ٦ سنوات تنطي بالزايد ٤ الى ٦ ارقام بالزايد اللي هو ١٢٠ سيسي الى ١٨٠ سيسي !
من عمر ٧ سنوات الى ١٨ سنة بالزايد تنطي كوب واحد فقط اللي هو ٢٤٠ سيسي
هذا بخصوص العصير الطبيعي
جمعيه القلب الامريكيه راحت ابعد و كالت العصير مره بالاسبوع!
و نؤكد هذا فيما يخص العصير الطبيعي اللي ما بيه سكر
لهنا ما حاجين على البيبسي و لا على العصير الصناعي و لا على مشروبات الطاقة اللي كاعد تنطوها لاطفالكم !
لان مستحيل واحد ينطيها لطفل عمره اقل من ١٨ سنة !
على كل نتامل هذا الموضوع يتصلح لان بصراحه من ساعه كتبت على الموضوع و ركزت عليه بلقائي ويه الاهل اكتشفت انه الاهل ينطون طاقه مشروبه اكثر بهوايه مما يوكلون اطفالهم و بالتالي راح نتلكاها بالجيل القادم من تبدي امراض القلب تبدي بعمر الشباب نتيجه تراكم السكريات و تحولها الى دهون على شرايين قلب اطفالنا
د. سيف سمير البياتي اخصائي طب الاطفال
