⭐️⭐️الاهتمام والحفاظ على فرشاة الاسنان
هواية ناس احتمال ماتهتم فعليا بلموضوع وتكول هي شيرادلها قابل! وهذا شي بديهي ميحتاج اهتم بيه🤷♀️🤷♂️🤷
⚡️⚡️خل نحجي عن الاساسيات
✔️ تبديل فرشاة الاسنان كل 3-4 اشهر او اقرب من هيج اذا شفنه شعيراتها بدت تنحني وتصير خشنة(للاطفال انبدلها باقرب من هيج وقت لان بلعادة يعضون عليها وممكن الشعيرات تنحني اسرع من ما عند الكبار)
✔️غسل فرشاة الاسنان بلماء بعد الاستخدام وابقاءها بشكل عامودي وتكون معرضة للهواء (يعني ميصير نخليها بحافظة او علبة وهي مبلله)
✔️ بعد ماتنشف ممكن حفظها بعلبه اذا الشخص دياخذها لغير مكان او اثناء السفر
🚫شنو الاشياء الي لازم نتجنبها🙅♀️🙅🙅♂️
❌ مشاركة فرشاة الاسنان مع شخص ثاني……حتى لوكانوا اطفال اثنين,لازم كل واحد بيهم تكون اله فرشاة اسنان خاصة بيه.
❌ حفظ فرشاة الاسنان بلمكان الي بية التواليت (يعني اذا الحمام شامل لكل الشغلات ومن ضمنها المغسلة يفضل نحفظ فرشاة الاسنان بمكان خارج الحمام) اما اذا المغسلة كانت مفصولة عن التواليت فممكن نخلية الفرشاة بهذا المكان
وحتى نعرف ليش…..اكو فحص صار لمجموعة من فرش الاسنان تحت المجهر وشافوا انة الي تنحفظ بنفس مكان التواليت بيها البكتريا الي موجود بلخروج والتفسير العلمي انه اثناء سحب السيفون البكتريا تنتقل بلهواء (air born) وقد توصل لفرشاة اسنانك.
❌حفظ فرشاة الاسنان بلثلاجة….الثلاجة مكان رطب ومو بيئة مناسبة لحفظ فرشاة الاسنان
تحياتي
د.همسة الدهان
#همسة_الدهان
#فرشاة_الاسنان
