كابه ما بعد الفطام !
صدك هل هذا حقيقي ؟
❤ الفطام قرار صعب حقيقي على الام و على الطفل و اكيد صعب على الطفل بس صدك صعب على الام ؟
🔘 وحده من التغييرات اللي تمر بيها الامهات بعد الفطام هي تغييرات هرمونيه لذلك ممكن تمر الام بلحظات بكاء او قلق او دموع احيانا تشعر بالعصبيه و الانفعال
قسم يربطوها بنقصان هرمون الاوكستوسين
الهرمون المسؤول عن انتاج الحليب و هو نفس الهرمون اللي يشعرنا بالفرح و الاسترخاء !
❤ ليش ما سامعه عنه قبل ؟
لانه مو كلش منتشر مثل كابه بعد الحمل
و الكثير من الامهات يخافون يحجون عنه علمود لحد ينتقدهم
❤ منو يصير عدهم اكثر من غيرهم ؟ يعني اكو عامل خطوره ؟
اي نعم
الامهات اللي يقطعون الحليب فجاءه
و حتى بعض الامهات اللي يقطعون الحليب تدريجي نفس الشي بس بنسبه اقل
💖 و شنو اسوي و اني دا امر بيها الان؟
1. اعرفي انها مشاعر طبيعيه
2. عززي علاقتك بطفلك و احضنيه اكثر
هيجي راح تنطين ايعاز لجسمك انه علاقتك بطفلك ما راح تقل و ما راح تتاثر بالفطام
3. عبري عن مشاعرك
لا تخجلين باثاره التساؤلات حول احساسك الغريب بهذه الفتره
4. سولفي ويه باقي الامهات اللي مروا بتجربه الفطام مثلك
و اخزني هذا البوست لان راح يكتبون الامهات شون عبروا هذه المرحله الصعبه من الفطام
#ليست_مجرد_غذاء_بل_عاطفة
د. سيف سمير البياتي اخصائي طب الاطفال
