طفلي عنيد !
منو ما عدها هذا الطفل العنيد اللي يعاند كل شيء و من تكوليله شمال يميل يمين و بالعكس
اولا خلينا نتفق على بعض الاشياء
اولها العناد مرحله من مراحل الطفل الطبيعي مثلها مثل الزحف و الكعده و المشي و التسنين
ثانيها انت اللي مخليه عقلك وياه شويه زايد عن اللازم و محاسبته على النفس
ثالثها و هي اهمها العنيد دائما يصير شخصيه قويه مستقل بنفسه بس اللي علينا نروض هذا العنيد حتى ما يصير اسوء
و جينا و تقاتلنا و شنو النتيجه ؟
اما الطفل يصير بلا شخصيه و يكون خايف من اي قرار بحياته او يستمر الطفل بالعناد و يبدي يعاقبك بالسلس البولي و نوبات المزاج و عدم التعلم على استخدام التواليت
ما بيها مجال المصارعه اما النتيجه الاولى او النتيجه الثانيه
نجي على نقطه مهمه انت تكول ان العناد صفه مثل التطور شوكت تظهر
بحدود السنه و تختفي بعمر ال ٣ سنوات تقريبا
وبعدها يرجع ويه المراهقه و اثبات الشخصيه
شون نتعامل ويه الطفل العنيد
هذه على البوست الثاني
#الطفل_العنيد
د. سيف سمير البياتي اخصائي طب الاطفال
