من ابرز الاسباب الي تخلي الام تلجأ للموبايل هو موضوع الاكل
ورفض الطعام
فتحاول تشتت تركيزه عن الموضوع من خلال الهائه بالهاتف، وحتى يبقى ياكل (حسب الكمية الي الام مقررتها مسبقا)
طبعا هاي الطريقة سلبية جدا وتحمل في طياتها الكثير من العادات الغذائيه السيئه الي تكبر مع الطفل وتتازم سنه بعد سنه
🔸اول شي الطفل حياكل بس في سبيل يبقى يباوع!
مو ياكل لان هو يريد ياكل
🔸ثاني شي شعور الشبع حيكون معطل لان حواسه كلها ملتهيه بالموبايل واصلا ميدري شكاعد ياكل!
🔸ثالث شي ميطور استقاليتة بالطعام وبدل ما يكون وقت الطعام نشاط يتعرف بي الطفل على قوام الطعام، شكل الطعام، طعم الطعام ، رائحه الطعام، حيكون مجرد متلقي للاكل من قبل الام
يعني موقعة مستقبل فقط وليس متفاعل
بالنتيجة
⭕ خسارة خبرات كثيره متعلقه بالحواس
⭕خسارة مهارة الاستقلال
⭕خسارة التحكم بشعور الشبع
⭕خسارة التواصل مع الام
وبالاخير هسه مثل هاي المشكلة عمره 6 سنوات وبعده معتمد على الام!!
الحل:
بهاي الحالة طبعا نرجع للصفر ونرجع نحفزة انه يتلمش الطعام يتعامل مع الطعام بشكل مباشر، وحيرفض بدل المره الف , لكن يجب الاستمرار بالمحاولة وبالتشجيع والاسرة كلها تكعد مع بعض وبدون اجهزه تماما
وقد ياخر الموضوع شهور
🖍️ونرجع نكول الموبايل والشاشات عمرها ماكانت حل ، بل هي اسوأ الخيارات وحترجع الام تبذل جهد مضاعف وتعيد الزمن حتى تخلي الطفل يرجع ينمو من جديد
د.اسماء اسماعيل البدري