شون تحبب طفلك بالقراءة والاطلاع؟
ما نختلف انه القراءة كلش مهمة من ناحية تغذية عقل الإنسان وزيادة ثقافته واطلاعه فحتى نحبب طفلنا بيها ننصحكم ببعض الشغلات المفيدة
١- تهيئة غرفة خاصة مليئة بالرسومات الي تحث عالقراءة كصورة شخصيته الكارتونية المفضلة وهي تقرأ كتاب مثلا
٢- تقراله قصص يومية اذا بعده زغير ميعرف يقرأ، وتمثل هاي القصص تمثيل وتسوي حركات بحيث يفهم القصة الي ديسمعها ويشوفها بحركاتك الي راح تضحكه وتفرحه وبالطريقة هاي راح يعرف انه القراءة شيء ممتع و راح يحاول يتعلم قراءة لاحقا لخاطر يقرالك ويمثلك النص
٣- اذا يعرف يقرأ خل يقرأ بصوت عالي وتابع قراءته وصححله الاخطاء واذا كلمة جديدة اوكفوا يمها واشرحها الة حتى يتعلمها و اسمع منه القصص وناقشه بيها وخليه يشرحلكياها حتى يحس انه قرايته للقصة جذب انتباهك وانه هو ديسوي انجاز مهم
٤- من يتقن القراءة وحده خليه يقرا كدام اهلك حتى يكسر حاجز الخجل وما يتلعثم وتزيد ثقته بنفسه ووصي اهلك ينصتوله ويشجعوه ويسمعوه كلام مدح واعجاب
٥- وضع حوافز ومكافئات للي يقرأ ويفهم الي قراه حتى تحفزهم عالمنافسة بالقراءة
هالنقاط ان شاء الله تعزز اهتمام الطفل بالقراءة والاطلاع حتى تغذي عقله وتقلل الملل والشعور بالوحدة وتزيد ثقافته وتفتح امامه ابواب التفكير والإبداع…
——
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
ما نختلف انه القراءة كلش مهمة من ناحية تغذية عقل الإنسان وزيادة ثقافته واطلاعه فحتى نحبب طفلنا بيها ننصحكم ببعض الشغلات المفيدة
١- تهيئة غرفة خاصة مليئة بالرسومات الي تحث عالقراءة كصورة شخصيته الكارتونية المفضلة وهي تقرأ كتاب مثلا
٢- تقراله قصص يومية اذا بعده زغير ميعرف يقرأ، وتمثل هاي القصص تمثيل وتسوي حركات بحيث يفهم القصة الي ديسمعها ويشوفها بحركاتك الي راح تضحكه وتفرحه وبالطريقة هاي راح يعرف انه القراءة شيء ممتع و راح يحاول يتعلم قراءة لاحقا لخاطر يقرالك ويمثلك النص
٣- اذا يعرف يقرأ خل يقرأ بصوت عالي وتابع قراءته وصححله الاخطاء واذا كلمة جديدة اوكفوا يمها واشرحها الة حتى يتعلمها و اسمع منه القصص وناقشه بيها وخليه يشرحلكياها حتى يحس انه قرايته للقصة جذب انتباهك وانه هو ديسوي انجاز مهم
٤- من يتقن القراءة وحده خليه يقرا كدام اهلك حتى يكسر حاجز الخجل وما يتلعثم وتزيد ثقته بنفسه ووصي اهلك ينصتوله ويشجعوه ويسمعوه كلام مدح واعجاب
٥- وضع حوافز ومكافئات للي يقرأ ويفهم الي قراه حتى تحفزهم عالمنافسة بالقراءة
هالنقاط ان شاء الله تعزز اهتمام الطفل بالقراءة والاطلاع حتى تغذي عقله وتقلل الملل والشعور بالوحدة وتزيد ثقافته وتفتح امامه ابواب التفكير والإبداع…
——
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال