كيف اتجنب الإمساك اللي يصير ويه بدايه الطعام ! ادخال الطعام سواء بعمر ٤ اشهر او ٦ أشهر فتره ممتعه و جميله و محبوبه للكل امهات و إباء و لطبيبهم لان كلش افرح من ا…

كيف اتجنب الإمساك اللي يصير ويه بدايه الطعام !
ادخال الطعام سواء بعمر ٤ اشهر او ٦ أشهر فتره ممتعه و جميله و محبوبه للكل
امهات و إباء و لطبيبهم لان كلش افرح من اسمع انه بدينا الاكل
اللي يعكر صفو هذه المرحله هو الإمساك
بهذا البوست خطوات حتى نتجنب الإمساك عند ادخال الطعام
1. ابديء ببطء
كل ٣ او ٤ ايام ابدي وجبه جديده
و لاحظي اذا صار امساك و تجنبي الاكلات اللي تسوي امساك
2. لا تنسين الخضراوات و الفواكه بوجبات طفلك
3. جيكي محتويات العلب اذا تنطين اكل جاهز مثل السيريلاك او العبوات الجاهزه فاحيانا طفلك يتحسس لماده معينه فيصير عنده امساك
الخطوات التاليه اذا بدا الامساك:
4. اول ما يبدي الإمساك زيدي الماء و كثفيه بعد الوجبات
5. ركزي على 6p
شنو دكتور النوب 6p
التالي هو 6p
Pear عرموط
Peach خوخ
Plumns عنجاص
Prunes عنجاص مجفف
Peas بزاليا
aPricot مشمش
ذوله يجمعهم عدا حرف ال p انه جيدات جدا للامساك اما بتناولهن كاملات او اضافه المي الساخن الهن و تناولهن
ممكن اعطاؤهن من عمر ٤ اشهر اذا الامساك شديد
ينضاف للقائمه التين المجفف و التمر
6. تجنبي ال BRAT
البرات شنو دكتور؟
البرات هو:
B banana موز
R rice رز
A APPLE تفاح
T TOAST التوست
هذه الاطعمه معروفه انه تسوي امساك لذلك تجنبيها
7. لا تنسين الحمام الدافيء
الكثير من الاطفال يصير عدهم خروج بالحمام
لذلك كثفي الحمامات الدافيه لطفلك
8. كثفي حركه البايسكل لطفلك و تمارين الساقين لطفلك
د. سيف سمير البياتي اخصائي طب الاطفال