على خلفية انتشار حالة لطفل بالعراق اصيب بداء الكلب و توفي على أثرها ننشرلكم توعية بخصوص هالمرض
الي يحتاجون لقاح داء الكلب للوقاية منه
١- اي شخص يتعرض الى عضة كلب او خفاش ( خصوصاً الخفاش كلش ضروري اذا عدكم بالبيت معشعش بالبيوت القديمة ومتكدرون تطردوه حتى قبل لا تتعرض للعضة لازم تلقح ) او عضة اي حيوان ثاني يشتبه بإصابته بداء الكلب مثل الثعلب و الخ
هذا يحتاج لقاح ومصل حسب تقدير الطبيب المعالج
٢- الطبيب البيطري او طالب الطب البيطري او المختبرين الي يتعاملون مع عينات مصابة بداء الكلب يحتاجون لقاح ما قبل العضة ينطيهم حماية اقل شيء ٥ سنوات
٣- الناس الي عدهم كلاب بالبيت والبيئة الي عايشين بيها موجود بيها داء الكلب بكثرة يحتاجون لقاح حماية ويحتاج ياخذون كلبهم لطبيب بيطري يفحصه ويتابع صحته و لقاحاته لحماية الحيوان ايضا
—
للمعلومة : اكو لقاح ما قبل العضة يعني ينطيك حماية قبل لا تنعض لانه انت معرض لهاي العضات بحكم عملك او تربيتك للحيوانات بيه ٣ جرع ( اول يوم ، وبعدها ب ٧ ايام تلقح، وبعدها ب ٢٨ يوم من اول يوم هم تلقح ) ولقاح ما بعد العضة الي هو ٥ جرع بالمستشفى ينطوك جدولها
اللقاح متوفر فقط في المستشفيات الحكومية على حد علمي
حماكم الله وحفظكم وحفظ اطفالكم من داء الكلب المميت
——
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
from د. سيف سمير البياتي