الحليب ما نزل فرضعته صناعي !
الحليب ما ينزل اصلا اول يوم
الحليب قليل و قليل جدا اول يوم و ثاني و ثالث يوم و رابع يوم
ممكن يبدي يزيد باليوم الثالث او الخامس
بس تعالوا نتعلم شكد حجم المعده
❤ اول يوم بعد الولاده معده الطفل بكد حبة الكرز الوحده لذلك اللبا او الصمغه تشوفها كلش قليله
❤ باليوم الثالث معدته تصير بكد حبة الجوز تقريبا نص رقم إلى ٣ ارباع الرقم
❤ بالأسبوع يبدي ياخذ رقم إلى رقمين اللي هي بكد حبه المشمش
❤ بعمر الشهر المعده تكفي حليب بكد البيضه من رقمين و نصف إلى ٥ ارقام
❤ لذلك لا تستعجلين تدخلين الحليب الصناعي هو معدته صغيره اصلا اول ايام
❤ لا تبالغين بكثر الحليب الصناعي بأول ايام و الا راح تنفتح معدته و تصير عنده غازات و مغص و تذكري القاعده رقم واحد ( حليب اكثر مغص اكثر )
❤ من يدخل الحليب الصناعي يعني مع السلامه رضاعه طبيعيه فحافظي على هذا الكنز اللي اسمه الحليب الطبيعي لان و الله ماكو مثله و لا يشبهه اي حليب صناعي
دمتم بود
د. سيف سمير البياتي اخصائي طب الاطفال
from د. سيف سمير البياتي