ام من الأمهات الحريصه جدا على الرضاعه الطبيعيه و بنفس الوقت حريصه جدا على صيام رمضان
طفلها عمره شهرين اليوم
و الام مصره انه تصوم
الرأي الطبي واضح انه اذا عندك عذر للإفطار ليش لا ؟
العمه تسأل دكتور دا اكتبلها علاج يزيد الحليب و خلي تصوم
زين دكتور خل تجرب الصيام !
تعالي احجيلك
انت راح تصومين تصومين
و راح يقل الحليب
و لو الطفل يصير بيه جفاف
لو تشترين حليب قواطي
و حليب القواطي معدل سعره ١٠ آلاف دينار
و الطفل يخلص بالقليل ١٠ قواطي بالشهر
يعني ١٠٠ الف اضافيه
ها طبعا هاي ما حسبنا اذا الحليب والمه لو لا
و اذا ما صار عنده اسهال او قيء او لا سمح الله تحسس من الحليب البقري و العلبه تصير ب ٢٥ الف دينار
هذا طبعا مع حرمان طفلك من الرضاعه الطبيعيه و الحمايه اللي يوفرها الحليب الطبيعي
لا تفرطين بالنعمه
هذه نعمه
و الله رزقها إياك
لا تفرطين بيها
ما يشبه الحليب الطبيعي و لا اي حليب صناعي
#رمضان_كريم
د. سيف سمير البياتي اخصائي طب الاطفال
from د. سيف سمير البياتي