باول 3 اشهر من العمر الطفل ما يريد رضاعه فقط لأن جوعان
الكثير من الأمهات ينطون الطفل رضاعه لان تشوف الطفل يحاول ياخذ أصبعه لفمه او هي تخلي اصبعها على فم الطفل فإذا أخذه يعني الطفل جوعان و تنطيه رضعه !!!
هذا خطأ
و خطأ قاتل
الرضاعه الاضافيه راح تزيد المغص و الغازات و الانتفاخ
اعرفي جيدا ان الطفل يرغب باخذ الرضاعه او الملهيه او اصبعك او حتى اصبعه فقط لأن حس بالضجر او ازعجته الاضواء او يحس بالم الغازات و الانتفاخ
لذلك من تشوف طفلك ممتليء و بطنه منتفخه و أحيانا حتى يتقيا و تجي و تزيد الرضاعه رضاعه
راح تزيد الانتفاخ اكثر
و الغازات اكثر
و الصراخ اكثر
و راح تجين ترضعيه اكثر و هو ياخذ اكثر
و تزيدين الانتفاخ اكثر
و الغازات اكثر
و الصراخ اكثر
و هكذا نستمر في دوائر مفرغه كان ممكن تجنبها فقط لو عرفتي كيف ترضعين طفلك حسب حاجته و ليس حسب جداول مسبقه
تذكري القانون الاول بالاطفال :
#حليب_اكثر_يعني_مغص_اكثر
د. سيف سمير البياتي اخصائي طب الاطفال
from د. سيف سمير البياتي