تجميعه لكل معلومات الرضاعه الطبيعيه : ❤ إلى متى استمر بالرضاعه الطبيعيه الموضوع يخصك و يخص طفلك بس الاكاديميه الامريكيه لطب الأطفال تكول يا ريت لو سنه و اكثر من…

تجميعه لكل معلومات الرضاعه الطبيعيه :
❤ إلى متى استمر بالرضاعه الطبيعيه
الموضوع يخصك و يخص طفلك
بس الاكاديميه الامريكيه لطب الأطفال تكول يا ريت لو سنه و اكثر من سنه براحتك
منظمه الصحه العالميه تكول للسنتين
و الاكاديميه الكنديه لطب الأطفال تكول لغايه سنتين
❤ ابني فطم نفسه بعمر سنه شاسوي ؟
و لا شي هاهيه تمت المهمه بنجاح
❤ شنو فوائد الرضاعه الطبيعيه ؟
نبدي بالفوائد قصيره الأمد
الأطفال اللي يرضعون طبيعي اقل عرضه لموت المهد
اقل عرضه للاصابه بالتهاب الامعاء
و اقل عرضه للالتهابات التنفسيه
أعلى نسبه ذكاء بالمستقبل حسب اخر الدراسات
الفوائد ماتنحسب حقيقه
على المدى الطويل
يقل معدل الكولسترول
تقلل معدلات السمنه
و تقلل معدلات التهابات القولون
تقلل نسبه حساسيه الطعام
و تقلل الاكزيما
و اهمها كلهن اكثر ذكاء
❤ شنو فوائد الرضاعه الطبيعيه للأم؟
تقلل من خطر إصابتك بسرطان الثدي و المبيض و الرحم
❤ شنو رايك بإدخال الرضاعه الصناعيه ولو مره باليوم؟
لا ابدا
من دخل الحليب الصناعي يعني وداعا للرضاعه الطبيعيه و راح جسمك يبدي يقلل الإنتاج فحرامات كملي رضاعه طبيعيه و راح يزيد حليبك
❤ شون أنجح بالرضاعه الطبيعيه من البدايه؟
خليه على جلدك
Skin to skin
و نزعيه كلشي و احضنيه حتى حفاظته
و لا تبدين خطأ و تنطيه مميه
و ابدي بأول ساعه
#الرضاعة_باول_ساعة_صحة_ومناعة
من أهم قواعد الرضاعه الطبيعيه هي الالتصاق الناجح و خلي الحلمه و الحلقه كلها تدخل بفم الطفل حتى تقل التشققات
اذا حلمتك غامره او غاطسه تعلمي شون تسحبيها
❤ تشققات الحلمه شنو اسويلها؟
موجود بوست عن الموضوع راح انزله بالتعليقات عن الموضوع
انتهى الجزء الأول
#الرضاعة_الطبيعية
بالاخير اكولك #من_فضلك_رضعي_طبيعي
د. سيف سمير البياتي اخصائي طب الاطفال