تعرفون ان الوضع الاقتصادي الصعب هو عامل من العوامل اللي تاثر على خياراتك باختيار اشياء الطفل
خلونا نحجي بدائل شويه حتى بلكي نكدر نساعد
الحليب الصناعي هذا سهل و كلنا نعرف بديله هو الحليب الطبيعي الاحسن و الجاهز
الحفاظات مو الا تختارين اغلى نوعيه اختاري النوع المناسب لطفلك و بعد كل استخدام غسلي لطفلك مكان الحفاظ و لا تستخدمين المناديل المرطبه
نكمل ويه الحفاظات تكدرين تستخدمين ويه كل تغيير حفاظ مرهم زنك حتى يمنع وصول الادرار و الخروج الى جلد الطفل و بالتالي يؤدي الى تحسسه
مو الا تستخدمين المراهم الغاليه اكو مرهم زنك و كريم زنك كاستر اويل من صنع عراقي رخيص و متوفر و امين
الأكل الجاهز ماله اي داعي و استخدمي اكل البيت و حضري الذ الوجبات و انظفها
مضطره لشراء الحليب مو الا اغلى نوعيه هي احسن شي لطفلك ممكن اي حليب سعره مناسب يناسب طفلك اكثر من الحليب الغالي بس اكيد الطبيعي احسن
الحجله: لا تشتريها مالها داعي
النطاطه: مالها داعي
الألعاب: كلما بسيطه تكون قيمتها التعليمية اكثر و الالعاب اللي بيها الوان مجرد متعه مو اكثر
الملهيه: مالها داعي
لا تنسين اذا رضعتي طبيعي يعني لا تشترين لا مي و لا مميات و لا ترمس و لا دفايات و لا منظفات و لا قواطي
و اكيد من ترضعيه طبيعي راح يتمرض اقل و بهذا مصروف زياره الطبيب و العلاج راح تقل و مجرد ترحين للطبيب للزياره الروتينيه فقط
بعد احجولنا شنو نصائحكم بالاخص الامهات القديمات
د. سيف سمير البياتي
اخصائي طب الاطفال
