تعرفين تفرقين بين اسباب البكاء ؟
يعني بكاء الطفل ممكن يكون لان جوعان لان متضايق لان حفاظته مو نظيفه احيانا يصير البكاء لان دا يصير عنده ادرار
طبعا هذه اول اشهر بعد ااولاده
خليني اساعدك شوية
و افرقلك بين انواع البكاء
💖 البكاء نتيجه الجوع :
هذا اكثر نوع و يكون دائما هستيري و عالي و يميل براسه الطفل يمين يسار حتى يدور الرضاعه
💖 احيان الطفل يبكي لان يريد احد يمه
يضوج لان وحده
هذه تكون بالبداية قصيرة جدا
بعدها تبدي تزيد اذا ما حضر احد
مجرد يريد احد يجي يمه
💖 البكاء نتيجه الالم
هذا يكون جدا عالي و يروح و يرجع ويه نوبات الالم
💖 البكاء نتيجه عدم الراحه و الانزعاج
حقيقه التفريق بينه و بين البكاء نتيجه الالم صعب شويه
بس تشوف الطفل دائما منزعج بين نوبات البكاء
يعني تحس الطفل ما مرتاح بين نوبات البكاء
💖 البكاء نتيجه خروج الغازات او الخروج او حتى الادرار
في اوقات كثيره يكون البكاء نتيجة للخروج امر طبيعي
و يكون شي يشبه الونين صوته اقل من بكاء الجوع
💖 البكاء نتيجة التعب
من السهوله جدا انه الطفل يتعب و هذا يكون صوت خافت و معاه تثاؤب
💖 اخر شي البكاء نتيجة الاستغراب !!!
صحيح انه الطفل ما يستغرب من الاشخاص الا بعمر ٦ اشهر
بس جدا ينزعج من يتغير مكانه
و على كوله أمهاتنا صار عصبي !!!
يكوم يصرخ و يضوج و ينزعج بس يتغير مكانة
نفس الشي يصير اذا لاحظتي طفلك يعصب بالليل او النهار فهذا معناه منزعج من الضوء فقللي الاضاءه
د. سيف سمير البياتي
اخصائي طب الاطفال
