دكتور ما تشوفلنا الطفل شبيه بس يبجي من البارحه لليوم ؟
اها شنو اللي صار
و الله رضع من امه و امه معصبه و مقهورة
هممم شنو اللي صار
حسبنا الله ونعم الوكيل بيه دكتور
( ما نتدخل عوائل ما علينا اكيد يقصدون رجلها )
.
.
بس هل هذا الكلام صحيح
هل انه التوتر يقلل حليب الام؟
او يغير طعمه
او ياثر على الانتاج ؟
للاسف هذا الكلام صحيح
صحيح من عده نواحي
انه الام ممكن من تشعر بالضغط و الشده
يبدي يقل و يتاثر انتاج هرمون الحليب
و هذا شي تم اثباته باكثر من دراسه
مو بس هاي حتى الكورتزول يقل بوكت الشده
بس كلما كملتي رضاعه طبيعيه كلما نزل حليب اكثر و كلما ارتاحت نفسيتك اكثر
لذلك اولا خفوا على الامهات اللي ترضع طبيعي و داروا نفسياتهم
ثانيا ست الكل اللي ترضعين طبيعي اهتمي بنفسك و لا تقلقين و قللي توترك الدنيا ما تسوه
اهم شي صحتك
ثالثا كثفي رضاعتك من تنقهرين
صح يصير عند الطفل مغص ممكن
بس استمرارك بالرضاعه الطبيعيه راح يقلل توترك و يعينك على المشوار الصعب
د. سيف سمير البياتي
اخصائي طب الاطفال
