شنو اخر اخبار كورونا حول العالم؟
⭕ عدد المصابين بكورونا حول العالم عبر ال 30 مليون
و طبعا هذا العدد طبقا للمؤسسات الاحصائيه الدوليه
بس المتوقع انه عدد المصابين بفايروس كورونا اكثر باضعاف من الرقم المعلن قسم يتوقع انه 10 اضعاف المعلن يعني 300 مليون شخص
⭕ فايروس كورونا صارله تقريبا 9 اشهر من تم اعلانه كخطر و 6 اشهر من تم اعلانه كوباء !!
⭕ عدد الوفيات بالفايروس عالميا قريب المليون شخص
⭕ عدد المتعافين من الفايروس هم تقريبا 24 مليون شخص و هو رقم كبير
⭕ امريكا هي الدوله الاولى عالميا بعدد الاصابات اما الهند فهي الدوله الاولى بعدد الزيادات اليوميه فاليوم زادت اصاباتهم 85 الف
⭕ اوربا دخلت الموجه الثانيه للوباء ففرنسا سجلت اليوم 16 الف اصابه و اسبانيا 10 الف اصابه
⭕ العراق يسجل الرقم 11 بعدد الزيادات العالميه لليوم بعدد اصابات 4471 اصابه
⭕ العراق هو اكبر عدد للاصابات بكورونا عربيا بعد تقدمه على السعوديه
⭕ ايران هي الدوله الوحيده اللي ما نزل عدها الفايروس و لا صعد على طول الخط اصاباتهم عاليه
⭕ الصين وينها ؟
الصين حاليا تسجل اقل عدد اصابات و الوفيات الجديده بيها صفر و تسلسلها حاليا ٤٣ على مستوى العالم
⭕ املنا باللقاحات و اليوم اعلن عن انضمام لقاح اخر للمرحله الثالثه من شركه جونسن اند جونسن
و ننتظر اللقاح و نشوف
ترامب يكول اللقاح يتوفر هالسنه
و الشركات و خبراء المناعه يكولون يتوفر و يكون متاح للكل السنه القادمه قبل هيجي وكت بشويه
⭕ هذه هي اخر اخبار كورونا حول العالم و في العراق للحظه
د. سيف سمير البياتي اخصائي طب الاطفال
