شون ما اخلي طفلي يتيه بين الرضاعه الطبيعيه و الصناعيه
هوايه من الأمهات تسأل
شون اخلي ابني ما يترك الطبيعي
كلنا سامعين او عايشين قصص عن اطفال تركوا الرضاعه الطبيعيه بعد اول مميه
و الام بكل احاسيس الامومه اللي عدها تريد ترضع طبيعي
فإليك هذه النصائح الذهبيه
و لا تنسين تطبيقها من البدايه
١. لا تنطين اي شي عدا الرضاعه الطبيعه اول شهر و هذا يشمل مو بس المميه و إنما الملهيه
٢. تأكدي انه حليبك كافي و مشبع للطفل
طبعا يروح الطفل الصناعي اذا ما يشبع
٣. استخدمي اصغر حجم حلمه مميه اللي يسموها stage one اللي هي اصغر وحده دائما
٤. اكو شي اسمه skin to skin و هو انه تخليه على جلدك
اكثر كتب و مصادر تعزيز الرضاعه الطبيعه تاكد عليه
و بصراحه ما شفت ام تكول جربته اما حياءا او فعلا ما مجربته
قريت قصص هوايه عن اطفال رجعوا للرضاعه الطبيعه بعد ما امهم اخذتهم و
رضعتهم بالبانيو و جلد الطفل على جلد امه
٥. استخدام ال nipple shield اللي هي القطعه البلاستيكية اللي تصير بين الثدي و الطفل حتى تقنع الطفل ياخذ الرضاعه الطبيعيه
٦. لا تنسين تغيير وضعيات الرضاعه بين مره و مره و بأوضاع مختلفه حتى لا يمل
و لا تنسون المشاركه
د سيف سمير البياتي
اخصائي طب الأطفال
