طريقة حساب الحمل
شلون احسب الحمل مالتي ؟
💗الدورة المنتظمة ٢٨-٣٠ يوم نحسب من اخر دورة نضيف ٧ ايام ونحسب لمدة ٩ أشهر .
💗الي دورتها اقل او ابعد او ممنتظمة نحسب باقرب سونار شخص الحمل لان الاباضة مختلفة بهالحالة يعني اول سونار عندج بالحمل بالشهر ونص او شهرين تحتفظين بي ضرورررري👌🏽
💗كلما كان السونار اقدم كلما كان الحساب مضبوط يعني مو انت تدرين وصلتي لنص الشهر الثامن والسونار الجديد يطلع بالتاسع تگولين اي اني بالتاسع لااااا
السونار بالاشهر الاخيرة ممكن يزيد او ينقص بالايام منعتمد عليه بالحساب يفيدنه بشغلات ثانية منها وضع الجنين نشاطه وزنه وموقع المشيمة وكذا👌🏽
💗احتفظي بالسونارات واذا انت دتسوين يم طبيبتج الخاصة مابيها شي اذا سويتي كل ٣ اشهر سونار يم عيادة السونار لان ممكن باي وقت تصير حالة طارئة وطبيبتج مموجودة يكون السونار وياج👌🏽
💗حساب الحمل من البداية جدا مهم ويجنبنه الوقوع بالحيرة والخطأ لحالات قلة النمو للجنين او انتهاء الفترة الكاملة للحمل👌🏽
.
.
.
د رحاب مجيد
https://www.facebook.com/Dr.Rihabmajeed
from د. سيف سمير البياتي