من أسئلتكم: شنو الفرق بين فقر الدم ونقص مخزون الحديد ؟
1️⃣ شنو هو فقر الدم ؟
فقر الدم هو نقص مادة الخضاب وكريات الدم الحمر الصحية و الها أسباب عديدة من أكثرها شيوعا نقص الحديد و يليها نقص فيتامين ب ١٢ أو حمض الفوليك و انواع فقر الدم الوراثي و أسباب أخرى.
2️⃣ زين ممكن يكون عدنا نقص بمخزون الحديد من دون فقر دم؟
مخزون الحديد اذا كان قليل معناته اكو نقص حديد، مرات يكون وياه فقر دم ومرات ممكن يصير بدون ما يسبب فقر دم.
3️⃣ زين نقص مخزون الحديد بدون فقر دم يحتاج علاج؟
اي نعم يحتاج يتعالج حاله حال فقر الدم
4️⃣ زين اذا كان مخزون الحديد طبيعي او عالي يعني اكيد ماكو فقر دم أو نقص حديد ١٠٠٪ ؟؟
لا ممكن جدا للشخص يكون عنده نقص حديد أو فقر دم ويكون مخزون الحديد عنده طبيعي او عالي، لان مخزون الحديد يصعد ويا أي حالة التهابية بالجسم من أمراض الروماتيزم، عجز القلب، عجز الكلى، أي عدوى فايروسية أو بكتيرية مهما كانت بسيطة، … الخ.
وصلت لو صعبتها عليكم ؟؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
from د. سيف سمير البياتي