كيفيه علاج #طفح_الحفاظات
1. المحافظه على طفلك جافا و نظيفا و ذلك بزيادة عدد مرات تغيير الحفاظات هذا يعني أنه لابد من تغيير الحفاظات وقت النوم ليلا
2. اغسلي منطقه الحفاظه بالماء و لا تستخدمي الكلينس المرطب المحتوي على الكحول أو المعطرات . بعض الأمهات تستخدم القطن و الماء بدل الغسل و يجدونها طريقه فعاله
3. نشفي ابنك بضغط المنشفه على جلده لا يوجد داعي لدعك الجلد بالمنشفه فقط اضغطي المنشفه
4. استخدمي طبقه سميكة من الدهون المرطبة لتشكل حاجز بين الإدرار و الجلد مثلا مرهم زنك او زنك كاستر اويل او سودوكريم او بيبانثين او ميدوكريم او دايبر راش او اي مرهم اساسه الزنك و لا و الف لا لاستخدام الخلطات اللي ما تعرفين شنو محتواها و منزل بوست مفصل عن مخاطر استخدام النستاكورت و النستكرام و البتنوسام و الدرمودين و الكوادريديرم و غيرها ممكن الاطلاع عليه بهاشتاك #طفح_الحفاظات
فمن تشترين مرهم اسألي بيه ستيرويد؟
اذا بيه ستيرويد لا تستخدميه أكثر من ٧ ايام و أكثر من مرتين باليوم و كميه قليله جدا
5. لا تشدين الحفاظه بقوه على طفلك أو تكدرين تستخدمين مقاس أكبر من الحفاظه اللي يلبسها بالعادة
غيري نوعيه الحفاظه اذا شفتي ابنك دائما يتحسس منها
6. من الجو دافي و ابنك يلعب بره خليه يلعب بلا حفاظه كلما تتركيه بدون حفاظه يطيب أسرع
7. إذا كلش صغير و الطفح عنيد تكدرين تنوميه بدون حفاظه و تخلين تحته طبقه بلاستك حتى لا يعبر الإدرار للفراش
8. استمري بارضاع طفلك طبيعيا
الدراسات تكول أن الأطفال اللي يرضعون طبيعيا أقل عرضه للإصابة للإصابة بطفح الحفاظات و السبب غير معروف
٩. اذا ما استجاب للعلاج الفوك راجعي طبيب
و لا تنسون المشاركه
و دعوه اصدقائكم
د. سيف سمير البياتي
اخصائي طب الأطفال
