لغات البرمجة تخلي الي يتعلمها قادر على صنع برامج والعاب و مواقع يربح منها عالمستقبل
تعرفون تطبيق طلباتي ؟ الي سواه مبرمج
الفيس بوك و انستاغرام الي سواهم مبرمج
تطبيق تكسي كريم، الي سواه مبرمج
البرمجة علم بيه ابداع لا ينتهي
شكد ما ابنكم ذكي ومبدع راح ينتج أشياء مربحة ومفيدة بالمستقبل
بالنسبة إلي، الإنسان المبدع اذا يتعلم برمجة أحسن الف مرة من اي وظيفة بالعالم
تخيل يعني، ابنك يكون قادر على برمجة روبوت
العالم كله يتجه باتجاه الروبوتات والأجهزة والبرامج ف الي يتعلم البرمجة مستقبلا ألف شركة توظفه
و ب راتب يعادل راتب الحكومة وأكثر
المبرمجين يحتاجهم العالم
اما الي يلعبون ببجي ، العالم مستغلهم لتحقيق الارباح
بالمناسبة، الي سوا لعبة ببجي هو مبرمج، ويربح حالياً مليارات منها !
اكو دورات اعتقد بالعراق صارت لتعليم البرمجة و اكو دورات باليوتيوب ببلاش ، واكو دورات مال اطفال للبرمجة، حببوا اولادكم بيها و استغلوا وقت فراغهم بتعلم شيء مفيد
مو صعبة البرمجة ابد، اكو ناس ميعرفون انكليزي ويعرفون يبرمجون، ينرادلها وقت فقط
الامارات اطلقت مسابقة لافضل المبرمجين العرب وكانت الجوائز رهيبة ، لان يعرفون العالم راح يتسابق بالبرمجة يشجعون عليها
افضل عمر للتعلم مو ثابت، حسب ذكاء الطفل وقدرته على الالتزام والتركيز على الهدف، اكو ١٠ سنوات واكو ١٢ ، من رأيي اشوف ١٢ سنة زين هم يكون مخلص إبتدائية وهم واصل مرحلة البلوغ يكدر ينضبط ويلتزم بالتعلم
—-
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
from د. سيف سمير البياتي