بوست يفيد العظامه واللي يدورون اكل صحي (شلون انجمعوا اني اقوللكم جمعتهم 😍😍😍
ملهمه العراقيين مايمر اسبوع اذا متحل ضيفه عالمائده العراقيه
الباميا
😍😍😍😍🥰🥰🥰🥰🥰🥰
قليله السعرات
قليله الكاربوهيدرات عاليه الالياف (يعني حنينه عالجهاز الهضمي ومرضى السكر)
تحتوي نسب ممتازه من فيتامين سي
ومضادات الاكسده واهمها ال(البوليفينول) صديق القلب والدماغ
اللي يحافظ على صحه القلب ويقلل خطر التجلطات ويقلل من تاثير كبر السن عالدماغ ويدعم عمليات التعلم والتركيز والادراك
(هذا كله البوليفينول )
نرجع للباميا
نسبه ممتازه من الفوليت وهذا مهم جدا للمرأه الحامل حيث يقلل تشوهات العمود الفقري للجنين لا سمح الله
نسبه لا بأس بيها من الحديد والمغنيسيوم والبوتاسيوم
وبروتين ايضا
يعني غذاء متكامل وصحي ولذييييذ
شغله ثانيه تلاحظون انه مرگه الباميه تكون شويه بيهه ثخن من الماده الصمغيه اللي تنطيها الباميا وهنا فد فائده كلش عظيمه انه هالكاده الصمغيه ترتبط بالكولسترول وتطلعه من الجسم
بدراسات اجروها عالحيوانات اثبتت انه بيهه وقايه وعلاج للامراض الخبيثه عافانا الله واياكم ولازالت الدراسات مستمره
وايضا مثل ما ذكرت جدا مفيده لمرضى السكر النوع الاول والثاني وسكر الحمل حيث تساهم بتنظيم مستوى السكر بالدم
(تطلبون الباميا بشي بعد ؟؟؟ ورده الباميا
😅😅😅)
والف عافيه
هسه قولولي
كم مره بالاسبوع تاكلوها؟
وتاكلوها ويه تمن لو خبز ؟
د.زينه البياتي/طبيبه تغذيه
www.tiktok.com/@zeenas.bayaty
https://www.facebook.com/zinaclini/
https://instagram.com/albayatyzina?igshid=1uvmggtlwokl8
#جمال
#تجميل
#تغذيه
#fitness
from د. سيف سمير البياتي