#معلومه :
من يقطع الطبيب حليب الام ليوم واحد فقط
هذا مو معناه خطا
حليب الام بيه ماده تثبط انزيمات الكبد اللي تتعامل ويه جزيئات ابو صفار
لذلك نكطع حليب الام يوم واحد فقط او يومين حتى يتحرر الكبد و انزيماته من هذه الماده
و بالتالي يقل الابو صفار
هل هذا الموضوع يمكن استخدمه ويه كل طفل عنده ابو صفار؟
الجواب لا طبعا
من شروط هذا اليرقان انه يصير بعد الاسبوع الاول من العمر
و يصعد إلى مستويات عاليه
اما في اغلب الحالات الموضوع جدا بسيط و يروح لحاله
و اولادي ال ٣ كان عدهم هذا النوع من ابو صفار و استمرينا بالرضاعه الطبيعيه لان ما صعد أكثر من ١٤
و شكرا
ملاحظه : هذا البوست لا يشمل الأطفال المولودين مبكرا او اللي اوزانهم اقل من ٢٥٠٠ غرام ( كيلوين و نص )
