‼️رفقا رفقا بالاطفال‼️
هذا الطفل الي بالصورة يعاني من كبر حجم الثدي عند الولادة وهالشي طبيعي لانه بعض الهرمونات انتقلت الة من امه فصار صدره هيج كبير وممكن حتى يطلع حليب و راح يختفي خلال أيام او أسابيع و يرجع طبيعي
الاهل وعادات اهل قبل انه صدر الطفل لازم ينعصر! فيبدون يعصرون الصدر حتى يطلعون الحليب
هالشيء جريمة بحق الطفل
لانه العصر راح يدمر أنسجة الطفل ويخلي يصدره يتورم مثل الصورة ويلتهب وحتى ممكن يتحول الى خراج وبالنتيجة الطفل راح يطك بجي من الالم
اذا عصرتوا صدر طفلكم ومصار بيه شيء فالحمدلله مو معناها سويتوا شيء صح، بالعكس سويتوا شيء غلط والله لطف بحال طفلكم وما تأذى من الي سويتوه
بعض الناس يؤمنون الي اجى للدنيا وصدره هيج ريحة ابطه تكون كريهة مستقبلا فيعصرون صدره! وهذا خرافة بكل ما تحمله الكلمة من معنى
لازم نوكف وكفة جادة تجاه الخرافات ونوعي ناسنا حتى نحمي الأطفال من هالمصايب
—
معرف الانستا لحساب التوعية
@dr_salmand
—
د سلمان داود
طبيب تدرج
