10 اخطاء فيما يخص الطعام باول سنة
١. اعطاء الاكل قبل ٤ اشهر
٤ اشهر يعني ١٢٠ يوم
و بالتالي يؤدي الى الغازات و عسر الهضم
٢. التاخر باعطاء الاكل لنقل بعد الشهر السابع من العمر
و بالتالي يكون الطفل معرض اكثر لفقر الدم
٣. اعطاء اطعمه بدون طعم و التركيز عليها مثل هوايه ناس ما تنطي بس فوح التمن اول شهرين
غيري الاطعم و لوني و كل ٣ ايام وجبه جديده و اطعم مختلفة كلما غيرتي و لونتي اكثر كلما يكون اسهل باختيار الطعام بالمستقبل
٤. اهمال بعض الاغذيه الضروريه جدا مثل اللحم و البقوليات المصادر الرئيسيه للحديد بالجسم لا تنسين الاوميكا ٣ الموجود بالسمك
مثال اخر هوايه ناس تااخر البيض بحجه الحساسيه في حين البيض ضروري جدا بعد ٦ اشهر و نبدا بالصفار اولا ثم البياض
خضراوات اخرى ننساها مثل السبانغ و غيرها
٥. اعطاء اكل حلو للطفل !!!
و هاي كارثه و مصيبه لان راح تخلي يحب هذا الطعم الحلو و بالتالي حتى خياراته المستقبليه من يكبر يكون يحب الطعم الحلو و بالتالي سكر اكثر اكل اكثر احتماليه اصابه بالسكر اكثر
٦. اهمال احساس الشبع لدى الاطفال
الطفل ياكل اللي يحتاجه بعدها يدير راسه انه هاهيه شبعت
البعض يصرون على اكمال الصحن و بالتالي يفقد الطفل احساسه بالشبع و لا يمكن السيطره عليها و بالتالي ممكن يؤدي الى السمنه
٧. اعطاء الطفل الاكل لوحده بعيدا عن الاهل !!
الاكل تجربه اجتماعيه يستمتع بيها الطفل و بالتالي راح يتجاوب اكثر و يصير يحب الاكل اكثر اذا اكل ويه اهله لذلك لا تعزلوه و خلي مكانه محفوظ على مائده الطعام من البدايه
طبعا بعد استعداده لكرسي الطعام بحدود ٦ اشهر
٨. عدم اعطاء الطفل حريته باللعب و الهوسه و الاهتمام بالنظافه و التنظيف لما الطفل ياكل
الطفل ما يتعلم بس من ذوق الطعام
الطفل يتعلم من ملمس الاكل و من ريحه الاكل و من لونه
٩. اعطاء العصير للطفل سواء طبيعي او صناعي محلى او غير محلى و بالتالي حرمانه من الالياف و اشباع الطفل بماده غنيه فقط بالسكريات فقط
١٠. اعطاء الاكل بزجاجه الارضاع ( المميه ) و بالتالي لا يتعلم الطفل لا على الاكل و لا على اي نظام و ذوق خاص بيه
اكو من ينطي الاكل بالمميه بحجه مو ما ياكل فانطيه بالمميه بس هذا خطا كبير و مجرد اللي سويتيه هو استراحه لنفسك و اهمال لدورك كام في تعليم الطفل الاكل المهمه الضروريه للاستقلاليه
.
.
.
د. سيف سمير البياتي
اخصائي طب الاطفال
from د. سيف سمير البياتي