10 جمل لا تكولوها لام ترضع طبيعي : ١. حليبك ما يسمن / حليبك خفيف /حليبك ما موالمه / انت متاكده طفلك زين على حليبك ؟ ما يحتاج هذا السؤال او الاستفسار هي تعرف اللي يكفي طفلها و تعرف تقيسه ببساطه شكرا الك طريقه القياس سهله ٢٠ الى ٣٠ غرام باليوم زياده وزن و من ٦ الى ٨ مرات تتبدل الحفاظه و بس ٢. شو مخليته ٢٤ ساعه لازك على صدرك و يرضع راح تتدلليه ؟ لا عزيزتي حليب الام ينهضم بسرعه اطمئني فعادي ٢٤ ساعه خليه يم امه ٣. راح انطي مميه لابنك حتى ترتاحين هي مميه وحده ما تاثر !!! لا عزيزتي حليب الام ينتج حسب حاجه الطفل و بالتالي هذه المميه راح تقلل الانتاج شكرا ما نريد ٤. يا معوده المميه اسهل و الله انطيها و فضيها !!! لا و الله مو اسهل شكرا ٥. انطي مميه حتى ينام اكثر بالليل ؟ و الله كولي صدك و المغص اللي يزيد بعد الحليب البقري و تحضير الحليب بالليل ؟ و اذا ما والمه الحليب شون؟ ٦. راح يتخربط جسمك و يصير عندك ترهلات لان ترضعين طبيعي ؟ جذب جذب جذب ماكو هيجي ابدا هيجي كلام الترهلات اصلا تصير بالحمل لان الرضاعه الطبيعيه راح تكون مستعده و حاضره ويه ولاده الطفل ٧. يامعوده و شون لازم تعلميه ع المميه بالطلعه ؟ لا عزيزتي شكرا الثقه اللي تحسيها و انت ترضعين طبيعي بالمجتمع تسوه الف مميه تنطيها انت دا تنطين لابنك اكله و هذا حقه و حقك و حق كل طفل ٨. هاي شنوو بعدك ترضعين طبيعي ؟ حليب الام مفيد و الرضاعه الطبيعيه مفيده جدا و استمرارك بيها بعد السنه شي اختياري و ما من حق احد يوكفك الا اذا اكل الطفل كان مو زين فالسنه جدا كافيه ٩. ليش فطمتي من وكت ؟ كل ام و لها ظروفها ما من حق احد يحاسبها ليش فطمت من وكت الرضاعه الطبيعيه تحتاج الى جهد و تعب ١٠. خطيه خلي ابوه يشوفه للطفل بس لازم الطفل و ترضعيه ؟ لا ابدا يكدر والد الطفل يشوف الطفل و يغير حفاظته و يغير ملابسه و هوايه اشياء يكدر يساعد بيها شكرا جزيلا . . بالاخير امهات الرضاعه الطبيعيه احييكم على اختيار الرضاعه الطبيعيه طريقا لتغذيه اولادكم د. سيف سمير البياتي اخصائي طب الأطفال

10 جمل لا تكولوها لام ترضع طبيعي :
١. حليبك ما يسمن / حليبك خفيف /حليبك ما موالمه / انت متاكده طفلك زين على حليبك ؟
ما يحتاج هذا السؤال او الاستفسار هي تعرف اللي يكفي طفلها
و تعرف تقيسه ببساطه شكرا الك
طريقه القياس سهله
٢٠ الى ٣٠ غرام باليوم زياده وزن
و من ٦ الى ٨ مرات تتبدل الحفاظه و بس
٢. شو مخليته ٢٤ ساعه لازك على صدرك و يرضع راح تتدلليه ؟
لا عزيزتي حليب الام ينهضم بسرعه اطمئني فعادي ٢٤ ساعه خليه يم امه
٣. راح انطي مميه لابنك حتى ترتاحين هي مميه وحده ما تاثر !!!
لا عزيزتي حليب الام ينتج حسب حاجه الطفل و بالتالي هذه المميه راح تقلل الانتاج
شكرا ما نريد
٤. يا معوده المميه اسهل و الله انطيها و فضيها !!!
لا و الله مو اسهل شكرا
٥. انطي مميه حتى ينام اكثر بالليل ؟
و الله كولي صدك و المغص اللي يزيد بعد الحليب البقري و تحضير الحليب بالليل ؟ و اذا ما والمه الحليب شون؟
٦. راح يتخربط جسمك و يصير عندك ترهلات لان ترضعين طبيعي ؟
جذب جذب جذب ماكو هيجي ابدا هيجي كلام
الترهلات اصلا تصير بالحمل لان الرضاعه الطبيعيه راح تكون مستعده و حاضره ويه ولاده الطفل
٧. يامعوده و شون لازم تعلميه ع المميه بالطلعه ؟
لا عزيزتي شكرا الثقه اللي تحسيها و انت ترضعين طبيعي بالمجتمع تسوه الف مميه تنطيها
انت دا تنطين لابنك اكله و هذا حقه و حقك و حق كل طفل
٨. هاي شنوو بعدك ترضعين طبيعي ؟
حليب الام مفيد و الرضاعه الطبيعيه مفيده جدا و استمرارك بيها بعد السنه شي اختياري و ما من حق احد يوكفك الا اذا اكل الطفل كان مو زين
فالسنه جدا كافيه
٩. ليش فطمتي من وكت ؟
كل ام و لها ظروفها ما من حق احد يحاسبها ليش فطمت من وكت
الرضاعه الطبيعيه تحتاج الى جهد و تعب
١٠. خطيه خلي ابوه يشوفه للطفل بس لازم الطفل و ترضعيه ؟
لا ابدا يكدر والد الطفل يشوف الطفل و يغير حفاظته و يغير ملابسه و هوايه اشياء يكدر يساعد بيها
شكرا جزيلا
.
.
بالاخير امهات الرضاعه الطبيعيه
احييكم على اختيار الرضاعه الطبيعيه طريقا لتغذيه اولادكم
د. سيف سمير البياتي
اخصائي طب الأطفال

10 جمل لا تكولوها لام ترضع طبيعي : ١. حليبك ما يسمن / حليبك خفيف /حليبك ما موالمه / انت متاكده طفلك زين على حليبك ؟ ما يحتاج هذا السؤال او الاستفسار هي تعرف الل…