التعقيم الصحيح و التحضير الصحيح للحليب الصناعي حسب منظمه الصحه العالميه بالخطوات مع بعض التوضيحات
المهم يا اختي و يا امي هو عدم تغيير المقادير
لا تخفيف و لا تثخين باعمار اقل السنه لان اعتماده على الحليب فقط
التزمي فقط بما مكتوب على العلبه
و تبقى الرضاعة الطبيعية هي الأفضل الك و لطفلك
.
.
اول خطوه اغسل يديك بالماء و الصابون
ثاني خطوه استخدمي الفرشاه لغسل كل أجزاء الحلمه و زجاجه الإرضاع
ثالث خطوه اشطف الاواني بماء نظيف
نكمل جوه
.
.
التعقيم
١. املا قدر كبير بالماء
٢. أغمر أجزاء زجاجه الإرضاع بالماء إلى الحد اللي تنغمر بيه كل الأجزاء و بحيث ماكو هواء محبوس
٣. غطي القدر الكبير بالغطاء الخاص بيه و خلي الماء يفور
٤. بعد ما يفور الماء ابقي الغطاء مسدود إلى أن تحتاج الزجاجه
.
.
كيف نحضر الرضعه
١. نظف مكان التحضير
٢. اغسل يديك بالماء و الصابون
٣. اغلي القليل من الماء اذا تستخدم غلايه كهربائيه انتظر لما تطفى اذا على النار تاكد انه الماء يغلي
٤. اقرأ طريقه التحضير جيدا
لا للتخفيف و لا للتثخين
التخفيف راح يؤدي إلى سوء التغذيه
و التثخين يؤدي إلى الامساك و الجفاف
هذا عدا اختلال الصوديوم اللي ممكن يؤدي إلى الشمره
٥. انتظر لما يبرد الماء شويه بس لا تتركه يبرد أكثر من ٣٠ دقيقه و لا ينزل اقل من ٧٠ درجه ( هذا راي منظمه الصحه العالميه ) في حين اللي مكتوب على بعض الأنواع تكول خلي درجه الحراره توصل إلى مستوى حراره الغرفه لذلك التزم مثل ما مكتوب على العلبه
٦. هسه نضيف الحليب للزجاجه
٧. تكدر هسه ترج المميه بلطف او تفرها بين يديك و هو ينخلط
٨. هسه تكدر تبردها باستخدام الماء او ثلج شويه
٩. امسح الجزء الخارجي للمميه
١٠. جيك درجه الحراره بالطريقه مثل الصوره
١١. اعطيها لطفلك
١٢. اي كميه ما يرضعها طفلك تشجعي ترميها هاهيه تلفت
د. سيف سمير البياتي
اخصائي طب الأطفال
الصور بالتعليقات
from د. سيف سمير البياتي