يلا نتحضر للبلوغ و وصلنا لمرحله البلوغ و بلغوا الاطفال او على وشك
اول شي أريدكم تتذكرون هذه المرحله بحياتكم و كيف بلغتوا و كيف انصدمتوا او انصدمتوا بالبلوغ لذلك تذكر
❤ التغييرات الهرمونيه و النفسيه شديده و مهمه و لازم نوصل للاطفال المراهقين
❤ نفهم البنات اولا شنو معنى الدوره و كيف تنزل و انه هذه مقدمه حتى تكون ام و انه شي طبيعي
❤ نفهم البنات عن اعراض ما قبل الدوره اللي دائما يصاحبها اكتئاب و انزعاج و ضوجه و انه مشاعرها تكون متقلبه
❤ البنات اللي وصلوا البلوغ و عدهم سمنه نبدي نظام غذائي صحي حتى لا نفوت بمتلازمه تكيس المبايض
❤ الآباء اجه وقتكم و تبدي تفهم ابنك شنو البلوغ و انه لا يقلق مثلا من انه صديقه طلع لحيه و شوارب و هو بعده
❤ فهم الاطفال انه لا يهتمون فقط بالشكل بس مهم كيف يكونون افضل
طبعا اكيد مع اهتمامهم بموضوع النظافه الشخصيه
❤ نرجع للبنات و مرحله الهرمونات و البجي ويه الدوره الشهريه لا توتريها و تضحكين على مشاعرها بالعكس فهمي البنيه انه الموضوع عادي و انه عادي تبجي
❤ لا تقبلين ابدا بالاستصغار من المراهق او تتنمرين على المراهق و لا تكوليلها سمره او سمينه او قصيره
❤ تذكر دائما و تذكري دائما
كلما احتضنت المراهق و كلما جاوبت تساؤلاته راح تكون صديقه
❤ لا تكولين استحي و لا تكول أخجل
اذا ما فهمته انت او فهمتيها انت راح يلكه ١٠٠ سبيل و سبيل حتى يحصل المعلومه و على الأغلب تكون مغلوطه و راح تحتاج تصلحها
دمتم و أولادكم بخير
د. سيف سمير البياتي اخصائي طب الاطفال
from د. سيف سمير البياتي