افضل ما تعلميه لاولادك هو حب الذات واحترامها
تاخذين وقت لنفسج مو انانية بالعكس شي صحي انه من اتعب اخذ استراحة مو شرط ننهزم ونعوف الدنيا مگلوبة ورانه اكيد لا بس مو شرط اليوم الملابس كلها تنغسل وتنكوي والغدا على اتم وجه لا مو شرط ممكن نغير بهالشي ونجزء الامور وناخذ وقت راحة وممكن ادرس شي احبه او امارس هواية اريدها حتى يصير عندي طاقة للعطاء ويصير عندي صورة حلوة كدام اطفالي انه انطي وقت لروحي واني مهمة وواحبهم واعلمهم يحترمون رغباتي ويحاولون ارضاءي مثل ما اني احاول اسعدهم دائما
رح تكولون وين الوقت وصعبة رح اسالكم شي لو واحد من اولادنه او اهلنه احتاج هذا الوقت لسبب او لاخر مثلا احتاج روحة لطبيب لفترة لاسامح الله مو رح نضغط على نفسنه حتى نوفر هالوقت؟
بس الاولويات مختلفة صدكوني حطو هيج خطة ولتخلون احد يخرب واهسكم مثلا ابدي بكتاب اقراه او اطرز اني عن نفسي كلش احب الحياكة بس اختاريت شي ثاني دراسة جديدة بحياتي الي اني ولمرضايه ولاطفالي فخر مستقبلا لان رح يعرفون انه من يردون يسوون شي يكدرون اذا عدهم اصرار وعزيمة
ام واثقة بنفسها قوية الشخصية اكيد اطفالها انعكاس لهذه الشخصية واكيد رح يعرفون انه اهميتهم تبدي من داخلهم قبل الاخرين ❤️
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي