شون اختار لعبه للاطفال ؟ !
حتى هذا الموضوع ؟
ههههه لا هذا اهم موضوع
الموضوع مو بهذه السهولة مثل ما واحد متوقع
راح اكتب عن كيفيه اختيار الألعاب للأطفال بعمر أقل من 4 سنين:
❤ أولا اختار الالعاب اللي تتشكل بأشكال مختلفة و متغيرة و تشجع الابداع مثل المكعبات و الأكواب و الأشياء اللي تتركب مثل الشبكات
❤2. اختار الالعاب اللي تبقى وياه عمر مو يوم و يومين
يعني مثلا الحيوانات اللي قابله للنفخ لأن من صغير يكدر يلعب بيها و من يكبر يصعد عليها و مثلها القطار و السكة و عمر المكعبات ما تروح مدتها
❤3. اختار الالعاب اللي تشجع على الاكتشاف و حل الحزورات مثل الحزورات و الطين الصناعي و الطباشير
❤4. من يعبر ال 3 سنين شجعه على الإبداع و القيام بالادوار التمثيلية مثل دور الملك و اشتريله تاج أو دور المعلم هذا راح يشجعه على اكتشاف الأدوار و لعب دورهن
الأمثلة : ملابس تنكريه : صحون بلاستك و ملاعق ؛ العاب صغيره و ملابسها رجال اطفال مثلا
❤5. خليه يلعب بالأشياء الحقيقيه من يكبر شويه
يعني للاولاد مثلا درنفيس فاحص و دوره كهربائيه تسويها انت من بطاريه
للبنات تمشيط شعرهن و هكذا
❤6. من يكبر و يصير قريب المدرسه ابدي دخل الالعاب اللي بيها حروف أبجدية و أرقام علمه على الطباشير و السبورة و الرسم و لزمه القلم حتى ما تعاني
❤7. لا تنسى ابدا ابدا الالعاب اللي تشجعه على الحركه مثلا الطوبه و إذا عندك حديقه و فلوس اشتري لعبه القفز، لعبه الحبل حلوه و مشجعة للحركة للبنات
❤8. لا تنسى نفسك بذني الالعاب و اختار الالعاب اللي تكدر تلعب بيها ويه اطفالك
❤9. الالعاب اللي بيها أضويه و أغاني مجرد تلهي طفلك اعرف انه هي تنباع على أساس تغذي عقل طفلك في حين مع الاسف هي لا
❤10. مو أغلى الالعاب هي اللي تغذي عقل طفلك بالعكس يلعب المكعبات و الأدوات القديمه و الملابس القديمه هي اللي تغذي عقل طفلك
د. سيف سمير البياتي اخصائي طب الاطفال
from د. سيف سمير البياتي