هذا البوست حزين
اذا ما مستعد للحزن لا تقرأ هذا البوست !
💔البوست هو عن كيف أخبر الطفل بوفاه أقرب الناس اليه
امه او ابوه او جده او اي شخص قريب عليه
كلنا نعرف ان خبر الوفاه هو أقسى و اصعب الاخبار على الكبار بس بالاطفال الموضوع مربك اكثر و مزعج اكثر !
💔 هل نكوله ام ما نكول الهم ؟
💔 الموضوع لاعمار 5 سنوات صعب الايصال لان ما يفهم معنى الموت فراح يسأل و يسأل عن الشخص المتوفي
لان ما يفهمون أن الموضوع ما بيه عوده
قسم منهم راح يتأخر ببعض الأشياء اللي كان يسويها مثلا يتدرر على نفسه أو يبدي تصير عنده تاتاه
و هذه تغييرات تاخذ فترتها و تروح
💔 الأطفال فوق 6 سنوات
ذوله يفهمون أن الموت فراق دائم
و هذا راح يخليهم يخافون اكثر من فقدان فرد اخر بالعائلة
و هنا راح يسألون و يسألون
يسألون عن التفاصيل و كيف و لماذا
و راح يبقى الطفل عصبي جدا و يكره بعض الأشخاص بدون سبب
💔 كيف نبلغ الطفل بالوفاة؟
ابدا لا تكذب و لا تأخر و لا تأجل اخبار طفلك
إخفاء الخبر عن الطفل ما راح يقدم و لا يؤخر شيء
و مهم جدا ان تبلغ الطفل بالخبر بأقرب فرصه ممكنه
💔 وين أبلغه الخبر السيء ؟
اختار مكان آمن لطفلك مكان متعودين تكعدون بيه سويه و خليه يكعد بجانبك أو على حضنك ، لو طفلك عنده لعبة أو دبدوب مفضل خليه يمه وأنت دا تكوله
💔 الحديث لازم يكون بهدوء و رويه و صوت واضح و اخذ وقتك و لا تستعجل و كن صبور
💔 حضر خطابك قبل ما تكوله و تحضر لكل الأسئلة
💔 خليك حنين و طيب و كوله بطريقه ( اني عندي خبر راح يضوجك )
💔 ما راح يسكت الطفل و راح يسألك مره و اثنين و ثلاثه و اربعه حضر نفسك و اصبر
💔 اي ينفع انك تبكي و تدمع و تظهر حزنك بس حاول قدر الإمكان ان لا تغرق بحزنك لان انت كاعد وياه علموده مو علمودك
💔 قسم من الاطفال راح يحسون بالذنب لان توفى الاب او الأم مثلا لان ما كان شاطر او تأخر بالواجبات
هنا فهمه انه الموضوع ماله علاقه و لا باي احد و ان الموضوع ماله علاقه بشيء عمله
💔 أكد على طفلك انه مو عيب ابدا انه يحزن أو يبجي على المتوفي
💔 اي عادي جيب سيره المتوفي كدام الطفل لا تحرمه من سيرته كذلك و تكلم اصلا عنه
💔 علمه يتواصل مع الشخص المتوفي بالرسم او كتابه رساله او يغنيله
💔 حافظ على نفس الروتين كما هو و لا تغير شي
💔 خليك طيب و حنون و متوفر
💔 اي سلوكيات عنيفه او انعزاليه هي طبيعيه بس لا تعاقبه بس تكلم وياه و فهمه سوء تصرفه
💔 ماكو اي داعي تأخذه لغير بيت او اي مكان اخر غريب عليه
د. سيف سمير البياتي اخصائي طب الاطفال
from د. سيف سمير البياتي