علميا ماكو اي داعي للاحذية دام الطفل ما يمشي
و اول خطوات لازم تكون القدم حافيه
بس بالطلعه
قماشي
لزوم الاناقه
و غيرها من المبررات لهذه الاحذيه الضيقه المزعجه
مالها داعي
الطفل يتعلم هوايه باللمس و الاحساس
فماكو اي داعي للتكلفه لا الماديه و لا الجسديه للطفل
نروح للماكو داعي الثاني
الكفوف اللي تتلبس حتى الطفل ما يمص أصبعه!
هل تعلمين ان الطفل يمص أصبعه و هو ببطنك؟
مو اني اخاف على اسنانه !
اسنانه ما راح تتاثر الا اذا استمرت العاده هذه بعد ١٨ شهر
زين ليش الطفل يمص أصبعه
❤ مص الإصبع حركه لا اراديه يسويها الطفل بمراحله الأولى من عمره بالأخص اللي اعمارهم اقل من 6 أشهر لالهاء نفسه او لتنويم نفسه او مجرد استكشاف الفم
و مثل ما كلتلك اكو سونارات لاطفال مخلين اصابعهم بفمهم و هم ببطن امهم
❤ شنو يحس الطفل من يمص أصبعه؟
الهدوء،الأسترخاء،الأمان،الثقة،والراحة عندمايشعر بالملل،، القلق، الجوع، الغضب،الإنزعاج،أو في حال غياب الأم
❤ المشكله من تستمر هذه العاده بعد السنه و نص
و هنا راح تبرز المشاكل :
🔴مشاكل في الأسنان لاسيما عندما تبدأ الأسنان الدائمة بالظهور
🔴مشاكل على مستوى الكلام والنطق
🔴التهابات الأظافر
🔴تشوه الحنك
🔴تشقق الأصبع
بالبوست القادم نكمل العلاج اذا استمر الموضوع اكثر من ١٨ شهر عداها اتركي طفلك يحصل على الأمان و هو يمص أصبعه
د. سيف سمير البياتي اخصائي طب الاطفال
from د. سيف سمير البياتي